بعد ما ضل شوف عندی الدنیه اظلمت بعیونی
إفخـرابخـوت الـزینیـن ورفـض خـوت الـدونی
إتعلمت من وکتی چلمه و أهلی ابهای وصونی
لـزین أبــذل ماعــز روحـی
الشاعرمهدی ابومحمد امین الحردانی
***
دور بالجسد بس كلشي ماحصل
وكف حاير كبالي كلي روحك وين
كتله الروح ضلت عد حبيبي ثوب ومفصل
***
ابهندس رحت انه و یاری نحوف ابلیل تفاگه
نتعتو عد سلف جدام فصیل و عشمه وی ناگه
لحچ یاری الملح مذبوب شاله ابچفه من ذاگه
حط زمره ابصدری و ردانی
حط زمره ابوسط صدری و ردنی ابجدحه اعیونه
گال امنل یهل درسیت الذایگ ملحه ماخونه
الوهیچ اتربه الناس کله الدیر مامونه
ما حطو حایط بل دیره
جاسم ابن اغلامعلی الحمیداوی
***
لاتقبل تعیش ابذل اگعد حاسب الوجدان
ودگ ساس المجد یه فلان و انهض کابح الطغیان
هوّس مثل ما هوّس قاسم ماجد و ریسان
لوعیش بعز لو صلابه
*****
چف سیف العداله انعاب وضل من الطبر عاطل
اوضل ابلا ضمیر الیوم بلحگ یحکم الباطل
ثعلب مچنف الذرعان یمرح یشتهی ایماطل
بل ملعب ضل یمرح صوته
*****
مالومن علىالخوان منهم بطلت لومي
من شفت المثل مضروب يعشمه ابيزتچ گومي
ماچانت علي اهموم منهم منبع اهمومي
بير البيه يوسف ذبوني
سرتيب باوي
*****
مثل عند العرب گالو وامثال العرب حلوه
شجرة نخوت الخوان ماخضرت بلگوه
الطيب بلعسروالضيج مايحتاج اله نخوه
من حيث ايحس بهله وگومه
*****
لاتقنع بصید الراگ حلّگ للحبار وصید
و ذب روحک على الكلفات يلعزه و كرامه تريد
لاتحسب الحگ ایضیع وعیون الخذته اتهید
للحگ او چانت طلابه
ترکی الأمیری
*****
ناس تخلص للعقیده و للشرف تصبح لوه
وناس ویه الریح تمشی شلون ماهب الهوه
من اشتبش عامی ویه شامی الخشن و الناعم سوه
غربیل الشده ایصفیهه
ترکی الأمیری
*****
طفل سوح المراجل راح یشری سلاح لعّابه
و گال البشر هم ایصیر وحده ایصدله دبّابه
گالوله نعم موجود بس ایثبّت ارچابه
وبحزامه ایعلگ رمّانه
احمد الحیاوی
***
نظمت اشعــار فکری وجتنی امربعــه الهوسه
الــرجل ینعــرف بلکلفات أبد ما رفعته افلوسه
الماهو گدهه و مو کفو تضل تترادم اضروسه
الــزین امبیــن بفعــالــه
الشاعر مهدی ابومحمد امین حردانی من الاهواز
*****
طفل سوح المراجل صار شاب ایداعی بحگوگه
او وگف حدر النخل حزنان ینظر ثمرة اعثوگه
دگ ایده اعله صدره و صاح لقسم قسم ماضوگه
لوماکع منه العیاله
احمد الحیاوی
*****
ابنك بلعلم وصيه وگله اعله العلم دامن
تراهو القلم من ايثور تسكت حتى الكلاشن
اشبش حبر وي بارود وبزود الزلم راهن
ماذلت گوم الفهمانه
تر کی الآمیری
*****
عن ألحگ نطرب اعلى الموت ودرب الخطر نتحداه
ونهوه المجد و الامجاد و الذل ابدمانهواه
درع الوطن كلناانصير يوم الموزمه بالله
مانجفي اگبال العياله
من تطب سوگ الصداقه لاتعامل علرخيص
اشري دوم الغالي سعره و مايبيع الخل حريص
الصديج ابضيج ينفع لا تظن مثل الغميص
من يعتگ تشريلك غيره
حسین الزبیدی
***
مااتصفه العمام ابزور اله ابطیب وامراعه
الحمل لوماتشیله اخوان مایرتفع من گاعه
الزرع لو یترکه الفلاح ما لَمته الفزاعه
مرتع للطیر اصبح تالي
حبیب زنبوری
****