وحده امن ایدی بلگاع وحده ابدلیلی من شفت شامت مار گمت اعله حیلی
......................
ارکض واهومش بید وامسح دمع بید مثل الیتیم الضاع دیناره بالعید
.......................
رکبت یحید اویاک کل الضعینة چفک تره السکان وانته السفینه
........................
والحمزه والعباس والما شرب مای عینی أو تصد للغیرافگسها یهوای
........................
طفله ابغرُب وابلیل وامتیها اهلها هچ آنه روحی اعلیک یلما تصلها
********
جای ابصلافت عین اتگلی رایح
تلگه الگلب ویاک بس آنه طایح
*
موبیدی اهلی اتریـــــــد تبعدنی عنک
وتدری الجرا و الصار مو منی منک
*
چم مــــــــرا الک ودیت اهلی و عمامی
رفضوا هلک فد نوب شوگی و غرامی
*
مو انتــــــــه ما خلیت عدهم کراما
شفت الیحب مستور حبا و غراما
*
هیچ آنه طبعی اشلون قابل اعدله
طبـــــع البدن یهوای محد یبدله
*
ارجوک لو ما بیک ضمنی ابسکوتک
و اتعاطف ویلنــاس حته اعله موتک
*
اشـــــــــگد تعب تعبیت ویامن ایفید
کله انکرت والدور بس انته الوحید
*
آنه امنموتن عیب انکر هوا اهوای
النخله کلهه اتموت لو تفگد المای
*
منو علیه النــــــــــاس ماهمنی منهم
بس من علی منیت صرت انته کلهم
*
اشگد حسن ربی انطاک یمکن نسانه
ولو تطلع انتـــه انسان اعظم خیانه
*
هلگد حلا حط بیک یامحله طاریک
لوتمشی انته اویاک هم مااخلیک
*
هلگد حلا حط بیـــک جلت قدرته
خلانی احب اثنین بس انته وانته
*
هلگد حلا حط بیــــــک رب السماوات
لو تلمس انته المات حی یرجع المات
*
هلگد حلا حط بیک رب العباده
من بوست الشفتین طالب اعاده
*
هلگد حلا حط بیک رب العطوفا
مستحیه متواریک حته المشوفا
*
هلگد حلا حط بیک رب الخلایق
خلانی انجیت ب اول دقایـــــق
*
هلگد حلاحط بیک رب الجلاله
خله اتغزل بیک حتی الغزاله
*
هلگد حلا حط بیک رب البــــــریه
نزل گـــمر عل گاع باالناصـــریه
*
هلگد حلا حط بیک ربی یا ستار
مگدر اعوفک یوم صدگنی محتار
من کلمات استاد الطرفی مدیر موقع ادبنا
*
هلگد حلا حط بیک ربک إشکره
دلّـیـني بإلعاداک صدگــني فگره
*
هلگد حــلا حــط بــیک رب إلنبین
بس شفتک إنجنیت إبخزرت العین
*
هلگد حــلا حـط بـیک رب إلقلم ونون
بس شافتک عینای صرت آنه مجنون
*
هلگد حلا حط بیک ربنه الخلقنه
لو کلهه مثلک هیچ چا ما تعبنه
*
هلگد حلا حط بیــــــک رب السماوات
لولحظه منی اتغیب اشعر لک الهات
*
هلگد حلا حط بیک یا شیخ الاوطان
تسگینه گهوه اسنین لاکن بالحزان
*
هلگد حلا حط بیک مایک حیاتی
کارون اسولف بیک حتی ابصلاتی
*
هلگد حلا حط بیــــــــــــــــــــــک یا بعد اهنه
یاحــــــــــــــــــــــــلو یتحداک انت احلی منه
*
هلگد حلا حــــــــــــط بیک خالی عله کیفک
نخـــــــلک یضل نیشان ومحـــــــلی صیفک
*
هلگد حلا حــــــــط بیـــــــک لاله وتلالی
عونه الیعیش احذاک جـــــــسر الهلالی
*
هلگد حلا حـــــــط بیک ذللت الاعزاز
ما یعله عال اعلیک یا ارض الاهواز
***
***
صوتی ال یریح الّروح ضیعّته بالرّیــــــح
بضلوعـــی لوع بصوت یا گلبی وصــیـح
……………………………………….
یوم إن چنت محتاج شخصـــک عفتنـــی
یوم إن صرت محتاج شخصی ذکرتنـــــی
(الشاعر عادل مله فاضل السکرانی)
***
معـذوره روحي أتمـوت ماتحمــل افــراگ
اشــتاگ الک کلیــــوم هم مثلي تشتاگ
(المرحومة نصره سواری رانِیــــــا)
…………………………………..
صح انته الي تشتاگ بس انی اکثـــــــر
والگــلب من فــرگاک جام وتکســـــر
(السیده عاطفة الـــــنوري)
مشتاگ اشوف اهــوای واتعنــه بیته
صـــار الــگلب نصین من فــارگیــته
(أحمد مجید آلبوغبیش)
***ماتلکه مثــل احســین وأعضیــده عباس
(الشاعره الاهوازیه سهام کعبـــــــي)
***
سمچـــــه ابلـــم صیــــاد ومگــابلــه الــــماي
هیـــچ انه روحــي اعلیــک مختنـگه یهـــواي
(الشـــاعــره سهــــام کعبــــــــي)
***
یسـألنی الگـلـب عنـک یمای العین ویـن انتـه تـعـال ابجیتک ایـداعـی
کل البیت الک وین التفت وانساک و یا ذکره لنسها و تسکن اوجاعی
الشاعره عاطفه السیدشاکر النوری
***
جبت الک بابـــي وجیت عــــذبنی همــک
حجتک بیتــي أبعیــــد خـــو هسه یمــــک
(حســـن عاشـــــــور)
***
یا ترف ذکر اجفاک لو علی حلگ
گلبی الیدگ بهواک یوگف من الدگ
الشاعر عادل السکرانی
***
لـــو تدری من فـــرگاک شنـــــهو الجــرالی
ایامـــی صــارن ســــود مــــثل الــــــیالی
(مهــدی الریحانی آلبــوغبیـــش)
***
مانمت لیــــــل اجفاک گضیــــته حســــبات
حته منشــوف اعضــــای حسبالی شـــمات
(ایوب خنافــــــــره)
***
من آهی و آه اهوای ساعت الملگه
یشرد الواشی ابعید خایف نحرگه
الشاعر حجی عباس حزباوی
***
دلّالی من فرگاک بیه میّت الف طرّ
جامه و سحگها الریل راح و تطشّر
الشاعر حجی عباس حزباوی
***